Þín eigin ráðgáta er öðruvísi en aðrar bækur. Hér ert þú söguhetjan og stjórnar ferðinni. En verkefnið er ekki auðvelt. Einn daginn vaknarðu og ekkert er eins og áður. Allir símar eru ónýtir. Samfélagsmiðlar eru hættir að virka. Tölvuleikir hafa þurrkast út. Hvað í ósköpunum gerðist? Þér er falið að leysa gátuna enda hefurðu sýnt og sannað að ekkert er of snúið fyrir þig. Eða hvað?
„Þótt konseptið sé það sama og í fyrri bókum, þá er ég ekki frá því að Þín eigin undirdjúp sé ein af bestu Þín eigin bókunum.“
? Næstum 40 mismunandi endar.
? Sögulok spanna allt frá eilífri hamingju að bráðum bana.
? Ævintýralega góð skemmtun fyrir alla krakka.
Þín eigin ráðgáta er áttunda bókin í einum vinsælasta íslenska bókaflokki síðari ára.
ÆVAR ÞÓR BENEDIKTSSON er margverðlaunaður höfundur. Hann hefur hlotið Bókaverðlaun barnanna og Bóksalaverðlaunin, verið tilnefndur til Íslensku bókmenntaverðlaunanna og Barnabókaverðlauna Reykjavíkur og bæði verið valinn einn af bestu yngri barnabókahöfundum Evrópu og í hóp framúrskarandi ungra Íslendinga.
Meistaralegar myndir gerir Evana Kisa.