Andreas og föruneyti hans nema land á Hulinseyju. Álfarnir taka vel á móti þeim en halda þó ákveðinni fjarlægð. Íma glímir við nornanámið og kemst á snoðir um hræðilegt leyndarmál sem falið er í fjallinu. En skuggahliðar eyjunnar koma þó fyrst í ljós þegar nóttin skellur á …
Næturfrost er önnur bókin í æsispennandi ævintýraseríu fyrir börn og unglinga. Sagan er ríkulega myndskreytt.
Gunnar Theodór Eggertsson hefur fengið verðlaun og viðurkenningar fyrir barna- og unglingabækur sínar. Hann hefur líka skrifað sögu fyrir tölvuleik.
Fífa Finnsdóttir býr í Stokkhólmi þar sem hún teiknar fyrir tölvuleiki og vinnur að umhverfismálum.