„Þeir sem eru snjallir í hernaði buga her óvinarins án orrustu.“
Hernaðarlistin eftir kínverska hershöfðingjann Sun Tzu kemur nú út í fyrsta sinn á íslensku.
Þetta litla kver hefur allt frá því á fimmtu öld fyrir Krist verið áhrifmikill leiðarvísir um herkænsku. Frægir herforingjar hafa lofsungið ritið og sagt að það hafi verið þeim innblástur í hernaðaraðgerðum.
En gildi ritsins nær langt út fyrir orrustuvöllinn. Það hefur reynst forystumönnum á öðrum sviðum þjóðfélagsins — svo sem í stjórnmálum, alþjóðasamskiptum og fyrirtækjarekstri — taktískur leiðarvísir í hvers kyns deilum og valdabaráttu. Er ritið nú almennt álitið skyldulesning í nútíma stjórnunar- og leiðtogafræðum.
Brynjar Arnarson íslenskaði.
„Þekktu óvininn, þekktu sjálfan þig; sigur er innan seilingar. Þekktu landslag, þekktu loftslag; sigur er í höfn.“
* * * * * – Þórarinn Þórarinsson, Fréttablaðinu