Það er kominn desember og tímabært að huga að jóla – gjöfum. En Jói og Lóa eiga enga peninga til að kaupa gjafir og þess vegna þurfa þau að beita öðrum brögðum. Leitin að skemmtilegum jólagjöfum verður löng og ströng og leiðir systkinin í mikil ævintýri. Geta þau á endanum gefið öllum eitthvað sniðugt á aðfangadagskvöld?
Rauð viðvörun! Jólin eru á leiðinni er æsispennandi jólasaga í 24 stuttum köflum sem upplagt er að lesa á aðventunni eða um jólin.
Sigrún Eldjárn hefur verið einn vinsælasti barnabókahöfundur landsins undanfarna fjóra áratugi og glatt kynslóðir íslenskra lesenda með sögum sínum og myndum.